главная новости в Беларуси Прэзентацыя альбому Валерыя Лабко «Заўтрашняя фатаграфія»

Прэзентацыя альбому Валерыя Лабко «Заўтрашняя фатаграфія»

Арганізатары фестывалю распачынаюць штогадовую серыю «Бібліятэка Месяца фатаграфіі ў Мінску». Задача выдання – пазнаёміць шырокую аўдыторыю з дзейнасцю і творчасцю беларускіх аўтараў, якія адыгралі важную ролю ва ўмацаванні статусу беларускай фатаграфіі як віду мастацтва ды яе інстытуалізацыі ў Беларусі. Таксама серыя пакліканая сфармаваць матэрыяльную базу: архіў дакументаў, фатаграфіяў і тэкстаў, што апісваюць розныя перыяды гісторыі беларускай фатаграфіі.

Сімвалічна, што першы альбом серыі прысвечаны дзейнасці ідэйнага натхняльніка Мінскай школы фатаграфіі – Валерыя Лабко. Як аўтар, у сваіх творчых перавагах ён заставаўся верны Фатаграфіі, якая здараецца ў момант асаблівага кантакту фатографа і асяроддзя: «Памятаеце, у дзённіках у Арбус: I don't press the shutter… The image does». Валерый стаў медыятарам між фотаклубным рухам аматарскай фатаграфіі ў Мінску і генерацыяй новай аўтарскай фатаграфіі Мінскай школы. Гэты якасны пераход ад выразных эстэтычных кадраў аматараў да «імкнення стварыць новую крытычную мову» (Х. Ээрыкяйнэн) быў ініцыяваны, у першую чаргу, самім Лабко.

Прэзентацыя альбому Валерыя Лабко «Заўтрашняя фатаграфія»


Адначасова з перадачаю фотарамяства хвалявала яго і фармаванне творчага пажыўнага асяроддзя. У аўтабіяграфічным тэксце «Заўтрашняя фатаграфія», напісаным за год да смерці, Лабко разважае пра сваё месца ў працэсе нараджэння Аўтара заўтрашняй беларускай фатаграфіі.

Гэты альбом – амаж творцу, створаны пераважна намаганнямі вучняў Лабко розных пакаленняў. Выданне ўлучае ў сябе серыі працаў фатографа, якія раскрываюць яго як майстра «падвойнай спецыялізацыі»: партрэту-стану (раздзел «Палессе», серыя «Беларускі балет», «Беларускі клімат») і стрыт-фатаграфіі (раздзел «Next Stop – Soviet»). Здымкі ідуць у храналагічным парадку і суправаджаюцца аўтарскімі каментарамі.

Прэзентацыя: 7 кастрычнiка, 19.30
Культурная прастора «ЦЭХ» (Мiнск, вул.Кастрычніцкая, 16)
Уваход вольны

абмеркаваць на форуме zнята



Прэзентацыя альбому Валерыя Лабко «Заўтрашняя фатаграфія»
 


поиск по сайту


Баннер

In Photo

Мэри Эллен Марк (Mary Ellen Mark)

Мэри Эллен Марк
Начала снимать в девять лет,
а профессионально погрузилась в фотографию в 1960-х. Однажды
и навсегда выбрала одну тему - люди... На ее фотографиях - посетители барделей, знаменитые актеры, спортсмены, циркачи, наркоманы, демонстранты...

Эрик Ким (Eric Kim)

Эрик Ким
Он называет себя международным стрит-фотографом. Он живет
в Лос-Анжелесе, снимает незнакомцев на улицах
с очень близкого расстояния.



главная новости в Беларуси Прэзентацыя альбому Валерыя Лабко «Заўтрашняя фатаграфія»