Баннер

главная новости выставки Лошыцкі дыярыуш. Фотавыстава Валерыя Вядрэнкі.

Лошыцкі дыярыуш. Фотавыстава Валерыя Вядрэнкі.

Выстава «Лошыцкі дыярыуш» - вынiк фотасесій 2004 – 2012 гадоў у старым раёне Мінска - Лошыцкім парку, дзе цудам захавалася старадаўняя шляхецкая сядзіба, першае згадванне пра якую датуецца 1557 годам. Сёння Лошыца, гэта музейна-паркавы комплекс, які паставіў кропку ў біяграфіі сядзібы. Дыярыуш (у перакладзе з лацінскай мовы — дзённік) — жанр старажытнабеларускай літаратуры, у якім у храналагічнай паслядоўнасці перадаваліся падзеі грамадска-палітычнага ці прыватнага жыцця праз суб'ектыўнае ўспрыманне пэўнай асобы.

Лошыцкі дыярыуш. Фотавыстава Валерыя Вядрэнкі.

Маляўнічы краявiд на месцы злучэння рэчак Свіслачы і Лошыцы памятае і паганскія часы, і Вялікае Княства Літоўскае, і Рэч Паспалітую, і Расійскую імперыю і савецкую Беларусь. І ва ўсе часы ў Лошыцы былі свае прыкметныя падзеі, свае героі і свае легенды. Але мяне зацікавіла апошняя старонка гісторыі лошыцкай сядзiбы, якую бачыў сам і якую паспеў зафіксаваць. Дзіўна, але факт, што пры дэканструкцыі сядзібнага дома загінулі, пры розных абставiнах, векавыя дрэвы, якія суправаджалі гісторыю лошыцкагамаёнтка.

Стары парк, алеі, руіны алтарнi, векавыя дрэвы, млыны і сам краявiд Лошыцы ствараюць асаблівы настальгічны настрой, такi рэдкi для сучаснага Мінска. Сама атмасфера ў гэтым месцы выклікае паэтычныя вобразы, якія, зрэшты, далёкія ад пастаральных. За прывабнай і гарманічнай прыродай крыецца ўнутраная трывога – так сядзібны парк раптам канчаецца крутым абрывам над павольнай вадой цёмнай Свіслачы, у якой адбілася не адна чалавечая драма.

І мімаволі ўспамінаецца загадкавая гісторыя апошніх гаспадароў Лошыцы – Яўстафія і Ядзвігі Любанскіх. Менавіта іх намаганнямi Лошыцкая сядзіба набыла выгляд, які дайшоў да нашага часу. Яна захавала нетолькі дух шляхецкага рамантызму, не толькі дух трагедыі гэтай сям'і, але і дух апошніх нашчадкаў пяці стагоддзяў культурна-гістарычнай традыцыі.

Валерый Вядрэнка


Выстава адкрыецца 9 сакавіка 2017 года а 17-ай гадзіне.
Выстава працуе па 28 сакавіка 2017 года.
Часы працы 11.00 – 19.00, серада 13.00 – 21.00, выхадныя – нядзеля, панядзелак.
Нацыянальны цэнтр сучасных мастацтваў Рэспублікі Беларусь (пр. Незалежнасці, 47)




Лошыцкі дыярыуш. Фотавыстава Валерыя Вядрэнкі.
 


поиск по сайту


Баннер

Авторская рубрика

«Белорусский климат»
Встречи с легендами

Цикл интервью «Встречи с легендами»«Контуры, пятна, все это не очень ясно
и понятно…
Это же было время, когда философия метафизики впервые стала доступна...»

проекты zнята

Встречи с легендами

Цикл интервью с ведущими белорусскими фотомастерами.

Энциклопедия

События и персоны белорусской фотографии. Открытый проект.




главная новости выставки Лошыцкі дыярыуш. Фотавыстава Валерыя Вядрэнкі.