Адкрыццё: 12 лютага 2013 года, 18.00
Працуе: да 28 лютага 2013 года 
Месца: Галерэя сучаснага мастацтва Ў (г. Мінск, праспект Незалежнасцi, 37а)

«Artes Liberales» – гэта:

1) мастацкі і адукацыйны эксперымент, які мае на мэце асэнсаванне «карысці» гуманітарнай адукацыі і неабходнасці вывучэння вольных мастацтваў у сучаснай сацыякультурнай і эканамічнай сітуацыі

2) фестываль ідэй і арт-праектаў, створаных моладдзю, якая вывучае «вольныя мастацтвы» і імкнецца ў мастацкай і медыяльнай форме прапанаваць уласную інтэрпрэтацыю разнастайных падзеяў і феноменаў навакольнай рэчаіснасці3) цыкл адкрытых лекцый, майстар-класаў, дыскусій і круглых сталоў, што ахопліваюць усю гуманітарную прастору (з удзелам найлепшых прафесараў і лектараў Беларусі і Еўропы)Такім чынам, ствараючы прастору і магчымасці для інтэлектуальных дыскусій і крэатыўных практык, праект дазваляе пераасэнсаваць каштоўнасць гуманітарных навук у сучасным свеце.Тэматычны фокус праграмы2013 года - праблема аўтарства, якую арганізатары прапануюць пераасэнсаваць на скрыжаванні разнастайных дысцыплінарных падыходаў у гуманітарных і сацыяльных навуках і з улікам тых сацыяльных і культурных зменаў, якія прынесла з сабой «камунікатыўная рэвалюцыя» ўва ўсе сферы нашага жыцця.

Праграма

- цыклы лекцый «Што новага ў новых медыях?», «Гісторыя мастацтва: суб'ектыўны ракурс»
- прэзентацыя новых выданняў у галіне сацыяльна-гуманітарнага пазнання, часопісаў па фатаграфіі («Volume») і дызайне («Faces»)
- круглыя сталы, дыскусіі і семінары – «Набор гендарнага дэсанта», «Толькі картаграфія? Зялёны Мінск», «Гісторыя дызайну на мяжы», «Музыка і аніматограф»
- выставы каліграфіі («Росчыркі бачнага»), скетчбукаў («Майстар/клас» Сяргея Сялецкага) і фатаграфіі (пачаткоўцаў і ўжо вядомых аўтараў)
- майстэрні па графіці і стрыт-арце, сучасных плынях у музыцы, мастацтве каліграфіі і анімацыі ў выкананні вядомых беларускіх і літоўскіх мастакоў і дызайнераў, музыкаў і мастацтвазнаўцаў
- творчыя конкурсы, адкрытыя для ўдзелу усіх ахвотных

Праграма ў дзень адкрыцця

18.00 - Прэс-канферэнцыя

19.00 - Адкрыццё праекта- уводны выступ: Remake/Remode: смецце ў пошуках аўтара, Максім Жбанкоў- адкрыццё выставы (студэнцкія праекты, Альбертас Гурскас, Сяргей Сялецкі), куратары - Таццяна Кулажэнка, Аксана Жгіроўская, Святлана Кашуба)- экскурсія па фотавыставе студэнцкіх праектаў, куратары - Святлана Кашуба, Аксана ЖгіроўскаяМузычнае суправаджэнне: Pavel Burmako [Peyote Promo] - Ambient, Psy Chill, Progressive, Trance (DJ)Korney [ContraBass.by] - Tropical Bass (DJ), відеа: VJ Ktf.

Уся праграма >>>

Дырэктар праекта – Альміра Усманава
Каардынатар – Таццяна Бабіч
Куратар выставы – Аксана ЖгіроўскаяКрыніца: ygallery.by

Абмеркаваць на форуме zнята