Аўтар: Данііл Парнюк
Арганізатары: галерэя сучаснага мастацтва «Ў» і галерэя візуальных мастацтваў NOVA
Адкрыццё: 15 студзеня 2013 года
Даступная: да 5 лютага 2013 года
Месца: галерэя сучаснага мастацтва «Ў» (г. Мінск, праспект Незалежнасці, 37А)

«У цэнтры маёй зацікаўленасці знаходзяцца людзі. Калі я хачу з дапамогай фатаграфіі распавесці пра краіну ці горад, я фатаграфую людзей, падобных да гэтых месцаў. За кожным чалавекам стаіць гісторыя. Калі гісторыі розных людзей складаюцца ў адзін вялізны «пазл», прыходзіць разуменне невыпадковасці ўсяго, што адбываецца...» (Данііл Парнюк)Фотапраект «Праздник» Данііла Парнюка ўключае ў сябе серыю фотаздымкаў, зробленых у 2011 годзе на працягу аднаго дня, праведзенага на традыцыйным штогадовым свяце трох брацкіх народаў на мяжы Беларусі, Украіны і Расіі, а таксама інтэрактыўную відэа-інсталяцыю. Серыя фотаздымкаў з’явілася хутка, як гэта зазвычай бывае ў выпадку непасрэдных і ненаўмысных здымкаў падзеі, у эпіцэнтры якой апынуўся чалавек з фотакамерай. Аднак у выставачны праект дакументальныя па сваёй натуры фотаздымкі пераўтварыліся не адразу. Спатрэбіўся не адзін месяц на асэнсаванне таго, што ўсё ж такі  зафіксаваў фатограф – сваё нейтральнае стаўленне да дзеяння ці свой старонні погляд на тое, што адбываецца вакол яго.

Назва праекта наўмысна выбрана на рускай мове: «Праздник». Менавіта гэтае слова для абазначэння дня адпачынку, дня ўрачыстасці ў гонар ці памяці пэўнай падзеі, а не яго адпаведнік у беларускай, украінскай ці польскай мовах, якія адсылаюць нас да рэлігійнай традыцыі непрацоўнага дня з мэтай ушанавання святых, захавала ў сабе першапачатковы сэнс «нічоганяробення» у непрацоўны дзень.

Серыя фотаздымкаў Данііла Парнюка парадаксальным  чынам агольвае перад намі той факт, што сучаснае калектыўнае свята, якое дасталася нам у спадчыну ад савецкіх часоў з усімі яго атрыбутамі ў выглядзе зацёртых лозунгаў, танных забаваў ды навязаных спажывецкіх звычак, даўно пераўтварылася ў руціну… Руціна святочных дзён цэментуе руціну будняў… (Куратар праекта Уладзімір Парфянок)

Глядзіце таксама артыкул Юрыя Маціюна аб праекце Данііла Парнюка «Праздник» >>>

У рамках праекта пройдуць наступныя мерапрыемствы:

- прэс-канферэнцыя з аўтарам і куратарам праекта
- экскурсія па экспазіцыі з аўтарам і куратарам праекта
- дыскусія «Свята і паўсядзённасць»
(дата і час удакладняюцца)

Куратар праекта - Уладзімір Парфянок
Адкрыццё  выставы адбудзецца 15 студзеня а 19:00.
Уваход вольны

Крыніца: ygallery.by

На открытии

На фото: Оксана Жгировская

На фото: Виталий Брусинский

На фото: Анна Чистосердева

На фото: Владимир Парфенок

На фото: Даниил Парнюк

На фото: Даниил Парнюк

Фото: Кристина Почепень

обсудить на форуме zнята