Апошнім часам Тодар Кашкурэвіч, этнакультуролаг, мастак і музыка, даволі часта выступаў з лекцыямі, у тым ліку ў межах «Ракаўскіх чытанняў». «Ракаўскія чытанні» - гэта лекцыйны калегіюм цэнтра этнакасмалогіі «КРЫЎЯ», які праходзіць у Ракаве штомесяц, пачынаючы з вясны 2012 году. Тэматычна «Чытанні» канцэнтруюцца вакол пытанняў традыцыйнай мадэлі свету, этнагенэзу беларусаў у балцкім кантэксце, стылю традыцыйнай этнічнай культуры, праблемаў этнафутуралогіі.
Лекцыю ў межах цыкла «Urbi et Orbi» («Горад і Свет») Тодар Кашкурэрвіч прысвяціў разгляду традыцыйнай этнічнай культуры як падмурка ў фарміраванні сучаснай нацыянальнай ідэнтычнасці.
«Спаміж ці пасярод. Традыцыйная культура ў горадзе» - гэта разважанне над мажлівымі спосабамі суіснавання дзвюх светапоглядных сістэмаў – сучаснай гарадской і традыцыйнай вясковай. Прыкладныя пытанні, якіх кранецца Тодар Кашкурэвіч падчас лекцыі: - вёска ў горадзе, ці Космас у Хаосе- вайна, ці мір у культурных парадыгмах
- дыктатура, ці дэмакратыя ў канструяванні калектыўнага «Я»
- мовы і стылі ў цывілізацыйным процістаянніДата: 25 студзеня 2013 года, 18.30
Месца: галерэя Саюза дызайнераў (г. Мінск, вул. Брылеўская, 14)
Уваход вольны!
Таксама будзе магчымая анлайн-трансляцыя лекцыі.
Крыніца: n-europe.eu
