Аўтар: Марэк Далецкі
Адкрыццё: 26 сакавіка 2013 года, 17.00
Працуе: да 12 красавіка 2013 года
Месца: галерэя «Акадэмія» Беларускай дзяржаўнай акадэміі мастацтваў (г. Мінск, вул. Сурганава, 14)

У сваёй творчасці Марэк Далецкі часта дакументуе падзеі з жыцця праваслаўнай царквы, а таксама выгляд падляшскай вёскі, які ўжо адыходзіць у небыццё. Але больш ахвотна фатаграфуе людзей.

«У фатаграфіях Марэка Далецкага закадаваныя прыязныя пачуцці, любоў да людзей. Кожная, а асабліва партрэтная, адкрывае аўтара, яго адносіны да жыцця, спосаб успрымання іншых – усе яны з’яўляюцца яго аўтапартрэтамі. Гэта выстава – вынік шматгадовай працы, аплачаны, аб чым мала хто задумваецца, вялікімі намаганнямі. У часы, пра якія мы лёгка забыліся, каб хаця б патэлефанаваць у суседнюю мясцовасць, трэба было спачатку знайсці шчаслівага ўладальніка тэлефоннага апарата ці пошту, замовіць сувязь і чакаць, чакаць. Падарожжа на гэтыя тэрыторыі было сапраўднай экспедыцыяй і вялікай прыгодай. Ужо само перамяшчэнне па марных дарогах давала шмат эмоцый».

Доктар Марыюш Відэжыньскі
навуковы супрацоўнік Акадэміі выяўленчага мастацтва ў Варшаве

Аб аўтары

Марэк Далецкі - фатаграф, настаўнік фатаграфіі, аніматар культуры. Нарадзіўся ў Млаве, у першай палове ХХ стагоддзя, але найбольш істотную частку жыцця правёў у Беластоку.Пачаў займацца фатаграфіяй у 1972 годзе. Браў удзел у многіх агульнапольскіх выставах і міжнародных фотасалонах. Яго працы былі ўзнагароджаны ў Аўстраліі, Новай Зеландыі, Шатландыі, Аргентыне, Польшчы. У 2006 годзе за свае дасягненні ён быў адзначаны Міністрам культуры бронзавым медалём за заслугі у культуры Gloria Artis, а таксама медалём Св. Брата Альберта ў 1995 годзе. У 2004 годзе атрымаў срэбны медаль за Заслугі для польскай фатаграфіі. У 2013 годзе стаў стыпендыятам Маршалка Падляшскага Ваяводства ў галіне мастацкай творчасці.

Фатаграфіі мастака можна знайсці ў аўтарскіх і групавых альбомах, кнігах, музычных выдаўніцтвах, буклетах і паштоўках. На працягу многіх гадоў яго фотаздымкі можна была знайсці ў прэсе. З 1988 года быў фотарэпарцерам, працаваў у рэгіянальных і агульнапольскіх часопісах.

З'яўляецца сябрам Саюза польскіх фотамастакоў і Польскага фотаклуба. Міжнародная федэрацыя фатаграфічнага мастацтва ў Парыжы ўганаравала Марка Далецкага тытулам - мастак FIAP (AFIAP).

Арганізатары выставы

Польскі Інстытут у Мінску
Беларуская дзяржаўная акадэмія мастацтваў
Народны фотаклуб «Мінск»

Па матэрыялах: instpol.by, photounion.by

обсудить на форуме zнята