Да ўдзелу ў моладзевым фотапленэры «Погляд на Мір» запрашаюцца ўсе жадаючыя ва ўзросце ад 18 да 31 года ўключна, якія прайшлі адбор. Конкурс з’яўляецца абавязковым элементам, бо колькасць месцаў абмежаваная.

Спецыяльна для ўдзельнікаў фотапленэру будзе арганізаваны трансфер Мінск – Мір – Мінск. Маршруты фотасесій пройдуць па найбольш знакавых месцах: абарончым вежам, пастаянным экспазіцыям і тэрыторыі замкавага комплексу. Супрацоўнікі музея распрацуюць спецыяльныя маршруты і па гарадскім пасёлку Мір. У іх будуць уключаны асноўныя архітэктурныя і мемарыяльныя аб’екты гістарычнай часткі мястэчка.
Фота: Віталь Раковіч

У рамках пленэру запланаваны майстар-клас вядомага фотамастака Віталя Раковіча, аўтара праекта «Ілюстрацыя да гісторыі Беларускай». Падчас здымкі ў Мірскім замку ўдзельнікі змогуць карыстацца лінейкай смарт-камер Samsung NX і EX з рознымі аб’ектывамі.Мерапрыемства пройдзе ў два этапы:- 18 траўня 2013 года ў Мір будуць запрошаны прафесійныя фатографы
- 25 траўня 2013 года ў моладзевым фотапленэры прымуць ўдзел аматары.

Як прыняць удзел?

Заяўкі на ўдзел у конкурсе прымаюцца да 18 траўня 2013 года.

Да гэтага тэрміну неабходна выслаць на адрас foto@ezerin.com :
- па аднаму фотаздымку ў жанры «Архітэктурны аб’ект», «Пейзаж», «Партрэт»
- 2 фатаграфіі на сваё меркаванне ў фармаце JPG (памер не больш за 1200×700 рх)

«Нам вядома вялізная колькасць фотаздымкаў Мірскага замка, але ўсё роўна кожны раз і майстры, і тыя, хто толькі пачынае асвойваць фотамастацтва, адкрываюць для сябе яго новыя ракурсы, быццам ён мяняецца як жывы арганізм, - кажа ініцыятар фотапленэру дырэктар музея «Замкавы комплекс «Мір» Вольга Папко. - Мы разлічваем, што архіў музея папоўніцца новым цікавым фотаматэрыялам, які ў далейшым дапаможа рэалізацыі розных праектаў музея».

Кантакты для журналістаў:
+375 44 70 70 443, +375 17 294 86 63 (спецыяліст па сувязям са СМІ Вікторыя Аляшкевіч)Крыніца: znyata.com

абмеркаваць на форуме zнята