«Тваё права!» —  гэты лозунг актуальны як для фатографаў, якіх пераследуюць у Беларусі за прафесію, гэтак і спажыўцоў навінаў, якіх пазбаўляюць права на аб’ектыўную інфармацыю.

ГА «Беларуская асацыяцыя журналістаў» запрашае на выставу выпускнікоў навучальнага курсу Сяргея Грыца. Выстава  распачнецца ў Сусветны дзень абароны правоў чалавека, што  маркіруе тэматычную скіраваць  працаў.Цягам трох месяцаў удзельнікі навучальнага курса пад кіраўніцтвам знанага фатографа Сяргея Грыца шліфавалі сваё майстэрства, выпрацоўвалі свой аўтарскі стыль і вучыліся бачыць незвычайнае ў звычайным.На выставе «Тваё права!» прадстаўленыя найлепшыя працы выпуснікоў – Алены Анкуда, Сяргея Балая, Ягора Гарая, Уладзя Грыдзіна, Дзяніса Зелянко і Таццяны Пашковіч.Адкрыццё: 10 снежня 2013 года, пачатак а 19.00.
Адрас: Інструментальны завулак, д. 6, оф. 105 (1 паверх). Метро «Парк Чалюскінцаў», па бул. Талбухіна, налева на вул. Мяржынскага, направа на зав. Інструментальны.Крынiца: artsiadziba.by