Адкрыцце: 1 красавіка, 19.00
Даступна: да 12 красавіка 2014 года
Месца: галерэя сучаснага мастацтва «Ў» (г. Мiнск, пр. Незалежнасцi, д. 37а)

Калі яднаюцца пэўны стан душы, настрой і жыццёвая сітуацыя - нараджаецца асабістая гісторыя. Нязвыклы знешні выгляд, які скіроўвае рабіць тое, чаго мы не здзяйснялі ніколі, ці нестандартныя здзяйсненні, якія нахіляюць нас ў бок таго, каб выглядаць незвычайна. Гэта не гульня і немаска, гэта нараджэнне ці адкаркаванненовага «я».Працы праекта не варта прымаць механічна, трэба дазволіць эмоцыям валадарыць. У некага выявы выклічуць смех, у іншых - замяшальніцтва, а хтосьці нават раззлуецца. Адно, не павінна застацца абыякавасці ў гледача, які перажывае новы візуальны досвед і разам з аўтарамі фотаздымкаў усведамляе: чалавек мае права адчуваць сябе гарманічным не толькі ў натуральным выглядзе.У кожным фотаздымку - жывы чалавек у рэальным стане, ён тут і цяпер. Вобразы ж, у якія ён ўвасабляецца, далёкія ад звычайнага разумення натуральнасці. На гэты дысананс робіць акцэнт аўтар праекта, бокожная дробязь, кожны рух быўнеабходны герою менавіта ў дадзены канкрэтны момант. Жывыя эмоцыі герояў здымкаў - ад ледзь улоўныхда аглушальных - не вынік каманды фатографа, а спантанная рэакцыя на тое, што адбываецца навокал.У фотаздымках цалкам адсутнічае латэрэйнасць - аксэсуары, рэквізіт, вопратка альбо яе адсутнасць - у кадры няма нічога выпадковага. Вобраз, які ствараецца кожным складнікам фотаздымка, распавядае глыбокую, асабістую, часам нават інтымную гісторыю. Якую? Кожны глядач «прачытае» сваю.

У экспазіцыі прадстаўлены 35 фотаздымкаў, кожны з якіх стаўся адлюстраваннем асобы Лаліты. Працы сфармавалі ўніверсум шматмоўя: свет розных тэхнік, мову жаночай прыгажосці, рытмаў, танальных кантрастаў і каляровых акордаў. Выніковыя вобразы ўспрымаюцца на ўзроўні стварэння сімфоніі альбо парфумернага букета. Магія творчасці пераўтварае стыліста ў мастака, а яго герояў - у муз, якія натхняюць на стварэнне прыгажосці, няхай і не заўсёды лёгкай для ўспрымання і разумення.

Прадстаўленыя на выставе працы былі створаны ў 2012-14 годзе. Аўтар асноўнай часткі фатаграфій - Лаліта Угуран-Туміловіч. Таксама ў праекце прадстаўлены работы, створаныя ў творчым тандэме з Аляксандрам Абуховічам.Алена Кушнір, журналістПра аўтара

Лаліта Угуран-Туміловіч - стыліст, член Саюза дызайнераў Беларусі, кіраўнік студыі GRIMERKA.by. Да нядаўняга часу выкладчык ў вядучых мадэльных агенцтвах і на тэлебачанні. Асноўная прафесійная дзейнасць - стыліст. Fashion-паказы (MoscowFashionWeek, RussianFashionWeek, Тыдзень моды ад Беларускага цэнтра моды) і вядучы стыліст буйных тэлевізійных праектаў (вобразы ўдзельнікаў беларускай каманды «Еўрабачання» у 2006, 2010-2012 гадах, вобразы вядучых тэлепраектаў «Міс Беларусь», «Эстрадны кактэйль», «Я спяваю» і інш.). Распрацавала і стварыла вобраз беларускай удзельніцы і пераможцы міжнароднага конкурсу прыгажосці «Міс Супранэшнл» (Польшча).Сёння Лаліта ўсё больш увагі надае творчым праектам, у якіх выступае не толькі стылістам, але і арт-дырэктарам, фатографам - мультымедыйны праект «Горад жанчын» з Ягорам Войнавым і Кацярынай Петуховай (Сушкевіч), фотапраект «Птушкі» з Ганнай Герт, фотапраект з Аляксандрам Абуховічам, фотапраект «Дэталізацыя», творчыя праекта са ZНЯТА і інш.У праекце таксама прынялі ўдзел Андрэй Кільчыцкі (рэтуш фота), гукарэжысёр Уладзімір Трафіненка, рэжысёр відэа і гукавога мантажа -  Аляксандр Гарадко.абмеркаваць на форуме zнята