Адкрыцце: 28 мая, 16.00
Месца: галерэя «Акадэмія» (г. Мiнск, вул. Сурганава, 14)
Працуе: па 10 чэрвеня 2014 года
Час працы: панядзелак – пятніца, з 9.00 да 18.00
Уваход вольны

28 мая 2014 года а 16 гадзіне ў галерэі «Акадэмія» Беларускай дзяржаўнай акадэміі мастацтваў адбудзецца адкрыццё фотавыстаўкі ў межах культурна-даследчага праекта «Беларусы. 100 гадоў жыцця». Выстаўка – вынік экспедыцый, зробленых за тры месяцы. У экспазіцыю уваходзіць больш за 50 прац: гэта фотакопіі здымкаў этнографа і фатографа пачатку ХХ ст. Ісаака Сербава і працы студэнтаў Беларускай дзяржаўнай акадэміі мастацтваў, выкананыя падчас вандровак па тых жа мясцінах.

Мэта праекта - паказаць, хто такія беларусы сёння: сучаснае жыццё ў мястэчках і вёсках, людзі, іх асяроддзе, матэрыяльная культура правінцыі. Аўтары прапануюць гледачу зрабіць свае высновы наконт сучаснага стану народнай культуры, паназіраць за яе зменамі, і параўнаць мастацкія каштоўнасці мінулага і цяперашняга часу.

Культурна-даследчы праект Беларускай дзяржаўнай акадэміі мастацваў «Беларусы. 100 гадоў жыцця» быў арганізаваны пры інфармацыйнай падтрымцы арганізацыі «Будзьма беларусамі». Дапамогу праекту аказалі Цэнтр Бэйт Сімха (г. Мінск), выдавецтва «Беларуская энцыклапедыя імя Пятруся Броўкі» і парафія Нараджэння Найсвяцейшай Панны Марыі (г. Барысаў).Падчас работы выстаўкі запланаваны лекцыі вядомага фатографа і даследчыка фатаграфіі Юрыя Васільева па гісторыі беларускай фатаграфіі, а таксама кандыдата мастацтвазнаўства, дацэнта Вольгі Лабачэўскай – вядомай даследчыцы народнага мастацтва Беларусі, аўтара шматлікіх навукова-даследчых і выставачных праектаў.

У ZНЯТА прадставілі кнігу «Беларусы ў фотаздымках Ісака Сербава 1911–1912 гадоў»

Вольга Аляксандраўна Лабачэўская пра працэс падрыхтоўкі выдання
«Беларусы ў фотаздымках Ісака Сербава 1911-1912 гадоў»

абмеркаваць на форуме zнята