Кніжна-выставачная прастора «Кніжная Шафа» ўпершыню ў Мінску прэзентуе выставу Дзмітрыя Аза «Беларускі амбратып». На выставе будуць прызентаваныя партрэты і нацюрморты, выкананыя ў тэхніцы мокрага калодыя – амбратыпіі, якой ужо больш за сто год.

Амбратып – варыянт калоіднага працэсу, у выніку якога на шкле атрымліваецца негатыў. Калі прыкласці да яго чорны фон, здымак выглядае як пазітыўная выява. Фатаздымак атрымліваецца «недасканалай»: з пацёртасцямі, драпінамі ў месцы прымацавання шкла, падцёкамі хімікатаў. Але гэта робіць кожны партрэт унікальным.

«Амбратып ні на што не падобны. Нават друк са шкла на паперу не паказвае ўсю глыбіню фатаздымка, кожную дэталь, поўсцінкі, якія ёсць у самім здымку. Такое ўражванне, што перад табою жывы чалавек, які толькі замёр на секунду» – адзначае аўтар.Сутнасць тэхнікі заключаецца ў атрыманні негатыўных выяў на шкляных пластынах з калоіднай эмульсіяй. На тое, каб наліць эмульсію, замацаваць, зрабіць здымак і праявіць яго, у фатографа ёсць толькі 10-15 хвілін, інакш калодый высыхае.Лічыцца, што дзякуючы працяглай экспазіцыі,  позы і выразы мадэлей набывалі высакародныя рысы. Шмат якія працы, прэзентаваныя на выставе, былі неаднаразова ўзнагароджаныя на міжнародных конкурсах.Адкрыццё: 11 лістапада, 19.00
Выстава працуе да 12 снежня 2015 года
Пляцоўка: прастора «Кніжная Шафа» (Мiнск, пр-т Дзяржынскага, 9, уваход са двара)
Час працы выставы: панядзелак-патнiца 10.00 – 20.00, субота 11.00 – 18.00, нядзеля – выхадныабмеркаваць на форуме zнята