Выстава пераможцаў World Press Photo пройдзе ў Менску трэці раз. Але ўпершыню ў «вялікім фармаце» — фотаздымкі будуць размешчаны на выставачных стэндах і зоймуць палову ангару ЦЭХу. Беларусь адна з першых пабачыць WPP-2016, а затым выстава наведае каля 100 гарадоў у 45 краінах на працягу года.

World Press Photo — гэта незалежная, некамерцыйная арганізацыя, штаб-квартэра якой знаходзіцца ў Амстэрдаме (Нідэрланды). Заснаваная у 1955 годзе, арганізацыя займаецца правядзеннем найбуйнейшай і самай прэстыжнай штогадовай прэміяй ў галіне фотажурналістыкі.

У гэтым годзе журы прысудзіла прызы ў васьмі намінацыях 41 фатографу з 21 краіны. Агульна, на конкурс World Press Photo быў дасланы 82 951 фотаздымак ад 5775 фатографаў са 128 краін.Здымкі будуць надрукаваныя на шырокафарматных прынтарах Canon і планшэтных прынтарах фірмы Océ Arizona, якая з’яўляецца часткай Canon Group.На сайце worldpressphoto.org вы можаце атрымаць больш поўную інфармацыю пра World Press Photo, пра фотаздымкі, якія атрымалі ўзнагароды, а таксама прачытаць інтэрв’ю з фатографамі і пазнаёміцца з удакладненым графікам правядзення фотавыстаў.Урачыстае адкрыццё: 3 мая, у 19.00 (уваход вольны)
Экспазіцыя працуе штодня да 24 мая з 12.00 да 21.00 без выходных. Уваход 40 000
Дзе: прастора «ЦЭХ» (Мiнск, Кастрычніцкая, 16)абмеркаваць на форуме zнята