У адной далёкай-далёкай Ґаляндыі жыве адзін ці то фатоґраф, ці то не фатоґраф Хэрт Рытвельд. Аднім ці то сонечным, ці то ня сонечным днём вырашыў ён паставіць свой фоцік ці то на зямлю, ці то проста на што-небудзь плоскае. Паставіў, уключыў таймер на дзьве сэкунды, націснуў спуск - і пабег так хутка, як толькі мог. Так, ці зусім інакш, але нарадзіўся адзін з самых арыгінальных спосабаў сэлф-мэйд фатаздымкаў.

Хэрт стварыў блоґ, куды ён рэгулярна закідвае свае зьбегі. У яго зьявіліся пасьлядоўнікі, былі створаны суполкі прыхільнікаў зьбегаў, цэлыя фотаальбомы. І тут няма нічога дзіўнага: за простай канцэпцыяй хаваецца велізарны пласт арыгінальных варыяцый зьбегаў. Да і для гэтага ня трэба прафэсійнай тэхнікі й нейкіх навыкаў: хопіць самага звычайнага фоціку, ног і кроплі крэатыву (асаблівасьць вашага зьбегу можа заключацца ў арыгінальнасьці непасрэдна бегу, незвычайнасьці месцаў і г.д. на ваш густ). Гэта й ёсьць сапраўдны DiY! А вынік заўсёды як мінімум цікавы.Нашая ініцыятыва «Зьбегчы ад фоціку» створана для папулярызіцыі дадзенага варыянту сэлф-мэйд фатаздымкаў ды агітацыі прафэсійных фатоґрафаў і простых аматараў фоткаць свае ўласныя зьбегі. У выніку (праз пэўны час) мы плянуем сабраць усё самае лепшае й выйсьці за межы інтэрнэту: арганізаваць паказ у адной з галерэй Менску.Для таго, каб дасягнуць канчатковай мэты, нам патрэбна вашая актыўнасьць. Вы:1) фоткаеце свае зьбегі;
2) закідваеце іх у інтэрнэт (на парталы кшталту sendpic-ru) арыгінальным памерам;
3) выдумваеце нейкі камэнтар да здымку, пішаце свае кантакты й ці то закідваеце сюды (са спасылкаю на арыгінальны памер), ці то дасылаеце сюды zbieh@tut.by (можна адразу арыгінальны здымак).Гэта на самой справе весела! Да таго-ж у вас будзе добры шанец засьвяціцца тым бокам, якім вы яшчэ не сьвяціліся ;))Нашая старонка: http://zbieh.narod.ru
Нашая скрыня: zbieh@tut.by
Нашая суполка ў сацыяльнай сетцы vk-com: http://vk.com/club16802870Крынiца: znyata.com