У Беларусі дадзены старт рэспубліканскага конкурсу «Нацыянальная прэмія ў галіне выяўленчага мастацтва» у 2019 – 2020 гадах. 

Конкурс праводзіцца ў мэтах адраджэння, развіцця, папулярызацыі і паказу лепшых традыцый і дасягненняў нацыянальнага выяўленчага мастацтва, прыцягнення да яго ўвагі шырокіх слаёў грамадства; павышэння прафесійнага майстэрства ўдзельнікаў конкурсу; выяўлення і падтрымкі таленавітай моладзі, развіцця творчых здольнасцей.

Арганізатарамі конкурсу з’яўляюцца Міністэрства культуры Рэспублікі Беларусь, Мінскі гарадскі і абласныя выканаўчыя камітэты, Нацыянальны гістарычны музей Рэспублікі Беларусь. 

Нацыянальная прэмія ў галіне выяўленчага мастацтва
Фота Таццяны МАТУСЕВІЧ / «Культура»

Конкурс праводзіцца па намінацыях:

  • «Жывапіс»
  • «Графіка»
  • «Скульптура»
  • «Дызайн»
  • «Актуальнае мастацтва» (арт-аб’ект, інсталяцыя)
  • «Мастацкая фатаграфія»
  • «Манументальнае і манументальна-дэкаратыўнае мастацтва»
  • «Дэкаратыўна-прыкладное мастацтва»
  • «Мастацтвазнаўства і крытыка» «Творчы дэбют»

 

Да ўдзелу ў конкурсе дапускаюцца аўтары твораў выяўленчага мастацтва ў любых відах, жанрах і мастацкіх тэхніках і аўтары твораў літаратуры аб выяўленчым мастацтве, створаных за тры гады, якія папярэднічаюць тэрміну завяршэння прыёму заявак, грамадзяне Рэспублікі Беларусь, а таксама замежныя грамадзяне і асобы без грамадзянства, якія пастаянна пражываюць на тэрыторыі Рэспублікі Беларусь, маюць (або атрымліваюць) прафесійную адукацыю ў галінах выяўленчага мастацтва, дызайну, мастацтвазнаўства або не маюць прафесійнай адукацыі ў галінах выяўленчага мастацтва, дызайну, мастацтвазнаўства, але з’яўляюцца членамі творчых саюзаў (далей – аўтары).

У перыяд з 15 студзеня па 15 лютага 2020 года адборачная камісія па выніках адкрытага прагляду заявак і матэрыялаў вылучае па 10 работ у кожнай намінацыі для ўдзелу ў Рэспубліканскай выставе «Трыенале сучаснага мастацтва» (далей – Рэспубліканская выстава). Па рашэнні адборачнай камісіі колькасць работ, адабраных для ўдзелу ў Рэспубліканскай выставе, можа быць павялічана або паменшана.

Асноўнымі крытэрыямі ацэнкі твораў мастацтва і літаратуры з’яўляюцца:

  • наватарства;
  • мастацкая каштоўнасць;
  • індывідуальнасць;
  • актуальнасць тэмы;
  • развіццё мастацкіх традыцый.

У перыяд з 1 мая па 30 чэрвеня 2020 г. па выніках адкрытага прагляду і ацэнкі твораў мастацтва і літаратуры, экспануемых у рамках Рэспубліканскай выставы, журы конкурсу вызначае пераможцаў конкурсу.

Журы конкурсу вызначае па аднаму пераможцу конкурсу ў кожнай намінацыі. Журы конкурсу мае права не вызначаць пераможцаў у той ці іншай намінацыі.

Аўтарам (калектыву аўтараў), якія сталі пераможцамі конкурсу, устанаўліваецца грашовая прэмія ў памеры 100 базавых велічынь у кожнай намінацыі, а таксама ўручаецца дыплом лаўрэата і спецыяльны прыз.

Для ўдзелу ў конкурсе неабходна запоўнiць Заяўку.

Заяўкі на ўдзел у конкурсе дасылаюцца да 15 студзеня 2020 года у электроным i друкаваным выглядзе з паметкай «Нацыянальная прэмія ў галіне выяўленчага мастацтва» у адрас Нацыянальнага гістарычнага музея Рэспублікі Беларусь (вул. Карла Маркса, 12, тэл.: 226-09-22, 226-05-32, +375 29 159 78 21, эл.адрас: Этот адрес электронной почты защищён от спам-ботов. У вас должен быть включен JavaScript для просмотра.). 

Да заяўкі прыкладаюцца наступныя матэрыялы:

  • фатаграфіі на папяровых і электронных (у фармаце JPEG, 300 dpi) носьбітах інфармацыі;
  • фатаграфія аўтара (калектыву аўтараў) твора на папяровых і электронных (у фармаце JPEG, 300 dpi) носьбітах інфармацыі;
  • зместавае і тэхнічнае апісанне твора мастацтва на папяровых і электронных носьбітах інфармацыі.

Фатограф павiнен з’яўляюцца аўтарам фатаграфiчнага матэрыялу, прадстаўленага ад яго/яе iмя на конкурс. У выпадку ўзнiкнення пытанняў арганiзатары конкурсу маюць права запытаць пацвярджэнне аўтарства дасланага матэрыялу.

Ад кожнага аўтара на конкурс могуць быць заяўлены:

  • адзiночны здымак;
  • серыя работ

Серыя павiнна змяшчаць не менш за 3 i не больш за 10 фатаграфiй.

Кожная фатаграфiя можа быць заяўлена толькi ў адну намiнацыю, альбо адзiночным здымкам, альбо серыяй. Дубляванне не дапускаецца.

На сайце Нацыянальнага гістарычнага музея можна азнаёміцца з ІНСТРУКЦЫЯЙ аб парадку  арганізацыі і правядзення рэспубліканскага конкурсу «Нацыянальная прэмія ў галіне выяўленчага мастацтва» у 2019 – 2020 гадах і іншымі матэрыяламі.